سبَّاق برنامج للمؤسسين اللي يبنون منتجات تقنية تخدم التجار والعملاء. نوصِّل منتجك لتجار حقيقيين، ونوفّر له بنية تقنية قوية، وخبرة عملية تساعده ينجح.
يمتد البرنامج 8 أسابيع، والقبول ما يتطلب أي حصة. وإذا أثبت منتجك قيمته في السوق، نناقش معك الخطوة الأنسب: شراكة، أو استثمار، أو استحواذ.
قصص النجاح
قريباً
قدِّم الآن
قبل ما تقدِّم
وش القصد من "مستقبل البيع والشراء"؟
ببساطة: وكلاء ذكاء يشتغلون في التجارة. للتاجر يديرون متجره، وللعميل يشترون عنه. وهذا موضوع أول دفعة.
رحلة البرنامج في 8 أسابيع؟
الأسبوع 1–2: “حدّد المشكلة”. تغوص في بيانات السوق مع مختصّينا عشان تعرف بالظبط مين عملاؤك والمشكلة اللي يدفعون عشانها.
الأسبوع 3–6: “جرّب مع مستخدمين حقيقيين”. توصّل منتجك لتجّار فعليين، وترصد سلوكهم وفرص التطوير.
الأسبوع 7–8: “حسّن ووسّع”. تطوّر منتجك أكثر وفق النتائج، وتكبّر عدد التجار اللي يستخدمونه. وتنهي البرنامج بنتائج حقيقية ومسار واضح للخطوة الجاية.
منتجي ذكاء اصطناعي بس مو وكيل بالضبط، أقدِّم؟
إذا يخدم تجار سلة ويلامس إدارة المتجر أو الاكتشاف أو الشراء الذكي، قدِّم. التوافق مع الفكرة أهم من التسمية.
ليش أقدِّم لكم بدل ما أكبر لحالي؟
أصعب شي في أي منتج هو الوصول. سلة تفتح لك الباب للوصول لأكثر من 68,000 تاجر من أول يوم، بدل سنين تبنيها لحالك.
بتاخذون منتجي أو حصة منه؟
إحنا شريك تجاري نمشي معك، وحسب منتجك ومرحلته: شراكة، تكامل، أو استحواذ. وكل شي نتفق عليه سوا، وبوضوح من البداية.
منتجي لسّه ما اكتمل، أقدِّم؟
عندك منتج يشتغل ولو مع أول عملاء؟ تعال. لسّه فكرة بس؟ نحب حماسك، بس انتظر علينا شوي لين يصير منتجك جاهز نجرِّبه.
متى يوصلني رد؟
نراجع الطلبات كل شهر. وإذا حسّينا بتوافق، يسعدنا نتواصل معك لمكالمة تعريفية قصيرة.
ما عندي ملف تعريفي ولا عرض رسمي.
عادي. ورّنا ديمو يشتغل أو رابط نجرِّبه، والمنتج اللي يشتغل يتكلم عن نفسه.
